दोलखाको ऐतिहासिक भिमसेन मन्दिरको शिलामा बिहिबार बिहानै पसिना आएको छ । आज बिहान ६ः३० बजेबाट भिमसेनको शिलामा पसिना आएको पुजारी कोशीनारायण श्रेष्ठले जानकारी दिए । शिलामा पसिना आएपछि मन्दिर व्यवस्थापन तथा गुठियारहरुले क्षमापूजा गरिरहेका छन् ।
भिमसेनको शिलामा पसिना आउँदा देशमा अप्रिय घटना हुने मान्यता रहँदै आएको छ । राजा वीरेन्द्रको वंशनाश हुनुअघि र २०६२÷०६३ को जनआन्दोलन सुरु हुनुभन्दा महिना दिनअघि पनि शिलामा पसिना आएको थियो । देशमा आईपर्ने हरेक विपत्तिपूर्व भिमसेनको शिलामा पसिना आउने गर्दछ ।