पब्लिक कम्पनीहरुको न्युनतम चुक्ता ५ करोड पुर्याईने भएको छ । सरकारले कम्पनी ऐनलाई संशोधन गरेर न्युनतम चुक्ता पुँजी बढाउने तयारी गरेको हो ।
नेपाल कानुन आयोगले तयार पारेको कम्पनी ऐन संशोधनको मस्यौदामा पब्लिक कम्पनीको चुक्ता पुँजी न्युनतम ५ करोड हुनु पर्ने ब्यबस्था गरिएको छ । हाल पब्लिक कम्पनीको न्युनतम चुक्ता पुँजी १ करोड कायम गरिएको छ ।
हाल भईरहेका कम्पनीको न्युनतम चुक्ता पुँजी ५ करोड नभएमा नयाँ ऐन लागु भएको ३ वर्ष भित्र न्युनतम ५ करोड पुँजी पुर्याउनु पर्ने संशोधनको मस्यौदामा उल्लेख छ ।
त्यस्तै मस्यौदामा मुनाफा वितरण नगर्ने कम्पनीले आफ्नो नामको पछाडि “(मुनाफा वितरण नगर्ने कम्पनी) लेख्नु पर्ने उल्लेख गरिएको छ । त्यस्तै सार्वजनिक निष्काशन गर्ने गरी शेयर छुट्याएको पब्लिक कम्पनीले सर्वसाधारणको लागि सार्वजनिक निष्काशन नगरेसम्म नगद लाभांस वा बोनस शेयर वितरण गर्न नपाउने प्रावधान समेत प्रस्तावित ऐनमा राखिएको छ।
