चन्द्रागिरी केवलकारले ७० वर्ष उमेर पार गरेका जेष्ठ नागरिकलाई निशुल्क सेवा दिने भएको छ । ज्येष्ठ नागरिकको परिचय खुल्ने आधिकारिक कागजात टिकट काउन्टरमा उपलब्ध गराएपछि यो सुविधा पाईने चन्द्रागिरी केवलकारले जनाएको छ ।
आफ्नो जन्मदिनको अवसरमा चन्द्रगिरी जाने आन्तरिक तथा बाह्य पर्यटकहरुलाई निशुल्क केबलकार चढ्ने सेवा दिँदै आएको कम्पनीले तीन फीटसम्म उचाईं भएका बालबालिकाहरूलाई पनि निशुल्क सुविधा दिँदै आएको छ । स्थानीय नागरिक र विद्यार्थीहरुलाई २५ प्रतिशत र शारीरिक रुपमा फरक क्षमता भएका व्यक्तिलाई ५० प्रतिशत छुट पनि प्रदान गर्दै आएको छ ।