नेपाल टेलिकमको जुन सुकै नम्बरमा फोन गर्दा कोरोना भाइरसबारेको संदेश सुन्न सकिने भएको छ । टेलिकमले भाइरसको संक्रमणको सतर्कताका लागि रिंगब्याक टोनमा सचेतना सन्देश दिन थालेको हो । कुनैपनि नम्बरबाट नेपाल टेकिलमको नम्बरमा सम्पर्क गर्दा कोरोनाको लक्षण र त्यसबाट कसरी सुरक्षित रहने भन्नेसहितको संदेश सुन्न सकिने छ। जसलाई फोन गरेको, उसले फोन नउठाउदासम्म यो संदेश सुन्न सकिने टेलिकमले जनाएको छ ।
त्यस्तै टेलिकमबाट ३२१०० मा फोन गरेर कोरोना भाइरसबारे जनचेतनामूलक सामग्री सुन्न सकिने छ । उक्त नम्बरमा कल गर्दा कुनै शुल्क नलार्गे टेलिकमले स्पष्ट पारेको छ ।
