नेपाल धितोपत्र बोर्डले कोरोना भाइरस संक्रमण रोकथाम नियन्त्रण तथा उपचार कोषमा ५० लाख रुपैयाँ सहयोग गर्ने भएको छ । बोर्डले सरकारले स्थापना गरेको 'कोरोना भाइरस संक्रमण रोकथाम एवम नियन्त्रण उपचार कोष'मा ५० लाख सहयोग गर्ने निर्णय गरेको हो ।
बोर्डले पूँजी बजारका सबै सहभागीहरु नेप्से, सिडिएसी, क्रेडिट रेटिङ्ग संस्थाहरु, मर्चेण्ट बैंकरहरु, धितोपत्र दलाल व्यवसायीहरु, आस्वा सदस्यहरु तथा सूचीकृत कम्पनीहरु लगायतका संस्थाहरुलाई सरकारी खातामा पैसा जम्मा गर्न समेत आग्रह गरेको छ । विपत्तीको समयमा सरकारले चालेको रोग नियन्त्रणको अभियानमा कोषमा सहयोग गर्नका लागि बोर्डले अपिल गरेको हो ।
