कोरोना भाइरसको पाँचौ संक्रमित भेटिएकी छिन् । बेल्जियमबाट नेपाल आएकी बागलुङकी युवतीमा कोरोना भाइरस संक्रमण पुष्टि भएको हो । युरोपबाट फर्किएकी १९ वर्षीया युवतीमा कोरोना पोजेटिभ भेटिएको पुष्टि भएको हो ।
उनी पनि चैत ४ गते नै कतारबाट कतार एयरवेजको ‘क्यूआर ६५२’ नम्बरको उडानमार्फत नेपाल आएकी थिइन् । यसअघि पनि चैत्र ४ गते सोही उडानमार्फत नेपाल आएकी युवतीमा कोरोनाको संक्रमण पुष्टि भएको थियो ।