पोर्चुगलको राजधानी लिस्बनमा रहेका आठ नेपालीमा कोरोनाको सङ्क्रमण पुष्टि भएको छ । मार्कस्पोम्बलस्थित एउटै फ्ल्याटमा बस्दै आएका उनीहरुमा कोरोनाको संक्रमण पुष्टि भएको हो ।
एक जनालाई २ हप्तादेखि निरन्तर ज्वरो आएको र औषधि सेवन गर्दा समेत ज्वरो कम नभएपछि गरिएको परीक्षणमा कोरोना सङ्क्रमण पुष्टि भएको थियो । फ्ल्याटमा बस्ने अन्यको पनि जाँच गर्दा आठै जनामा कोरोना पुष्टि भएको गैह्रआवासीय नेपाली सङ्घ पोर्चुगलका वरिष्ठ उपाध्यक्ष भीमसेन थापाले जानकारी दिएका छन् ।
सङ्क्रमितमध्ये एक बच्चा र गर्भवती पनि रहेका छन् । हालसम्म पोर्चुगलमा कोरोना सङ्क्रमित नेपालीको सङ्ख्या ९ पुगेको छ ।