स्वास्थ्य मन्त्रालयले हालसम्म ११ सय ३३ जनाको कोरोना परिक्षण भएको जनाएको छ । मन्त्रालयका प्रवक्ता डा. विकास देवकोटाले हालसम्म ११ सय ३३ जनाको परिक्षण भएको र ति मध्ये ५ जना बाहेक सबैको रिपोर्ट नेगेटिभ देखिएको बताएका हुन् ।
उनले संक्रमितसँग सम्पर्कमा आएका व्यक्तिहरुको कन्ट्याक्ट ट्रेसिंङ गर्ने काम ८४ प्रतिशत सकिएको बताए । पछिल्लो पटक आज धरानबाट संक्रमित सँग सम्पर्कमा आएकाहरुको नमुना परिक्षणको लागि पठाईएको उनले जानकारी दिए ।
हालसम्म संक्रमितहरुसँग सम्पर्कमा आएका व्यक्ति र आफन्तको नमुना परिक्षण गरिएको र ति सबैको रिपोर्ट नेगेटिभ आएको उनले बताए । उनका अनुसार हाल संक्रमण देखिएका सबै विदेशबाट आएका हुन् । ति मध्ये एक जनालाई निको भईसकेको उनले बताए ।
उनका अनुसार हालसम्म नेपालभर विभिन्न अस्पतालमा ९९ जना आइसोलेसनमा अस्पतालमा रहेका छन् ।