सरकारले कोरोना भाइरसविरुद्दको उपचारमा आवश्यक पर्ने स्वास्थ्य सामग्री किन्ने जिम्मा नेपाली सेनालाई दिएको छ । सेनाले आइतबार स्वास्थ्य सामग्री किन्ने जिम्मा पाएको पुष्टि गरेको हो ।
‘विश्व स्वास्थ्य संगठनको मापदण्डअनुसारका सामान खरिद गर्छौ, गुणस्तरमा सेनाले कुनै सम्झौता गर्दैन’ सैनिक प्रवक्ता विज्ञानदेव पाण्डेले भने, ‘रक्षा मन्त्रालयले स्वास्थ्य मन्त्रालयसँग समन्वय गरेर जिटुजीमार्फत सामाग्री ल्याउने जिम्मा दिएको छ । हामी सिधैँ सामान ल्याउँछौँ, बिचौलिया अथवा मध्यथकर्ता हामी राख्दैनौँ ।’