भारतबाट नयाँ मौसमी प्रणाली नेपाल प्रवेश गरेको छ । जल तथा मौसम विज्ञान विभागका अनुसार भारतको उत्तरप्रदेश बाट नेपाल प्रवेश गरेको मौसमी प्रणाली हाल देशको मध्य भू-भाग नजिक आईपुगेको छ।
यस प्रणाली कास्कि र आसपासमा क्षेत्रमा २:३० बजे मेघ गर्जन बादल बिकसित भै पूर्वतर्फ सर्ने क्रममा रहेको विभागले जनाएको छ ।यसले आज प्रदेश नं. ४ का केहि जिल्लाहरू (कास्की, पर्वत, लमजुङ्ग, स्याङ्गजा, तनहूँ) र प्रदेश नं. ३ का केहि जिल्लाहरू (चितवन, मकवानपुर, धादिङ्ग, काठमाडौं, काभ्रे, ललितपुर, भक्तपुर) का क्षेत्रहरुमा ६२ किलोमिटर प्रति घण्टा वा सो भन्दा उच्च गतिमा हावाहुरी/चट्याङ्ग सहित असिना पानी समेत पर्न सक्ने विभागले जनाएको छ ।
विभागले यी क्षेत्रका नागरिकलाई उच्च सतर्कता अपनाउन अनुरोध गरेको छ।
फोटो: गत वर्ष बारा र पर्सामा आएको हावाहुरी