नेपालमा गरिएको कोरोना भाइरसको परीक्षणमा पछिल्लो ५ दिनमा कुनै पनि संक्रमित भेटिएका छैनन् । बिहीबार मन्त्रालयको नियमित प्रेस ब्रिफिङकमा प्रवक्ता डा. विकास देवकोटाले नेपालमा कोरोना भाइरसका नयाँ बिरामी नभेटिएको जानकारी दिएका हुन् ।
नेपालमा हालसम्म २ हजार ८९५ जनामा कोरोना भाइरसको परीक्षण गरिएको छ । टेकुस्थित राष्ट्रिय जनस्वास्थ्य प्रयोगशाला २ हजार ३८२, उपत्यका बाहिर ५१३ नमुना परीक्षण गरिएको छ ।
चैत्र २२ गते एकैदिन ३ जना कोरोना संक्रमित थपिएपछि संक्रमितको संख्या ९ पुगेको थियो । तर त्यसयता कुनै संक्रमति भेटिएका छैनन् ।