प्रधानमन्त्री तथा मन्त्रिपरिषद्को कार्यालयले प्रदेश तथा स्थानीय सरकारले नमानेको कारण उपत्यकाबाट नागरिकलाई घर पठाउन गाडी चल्न दिने निर्णय फिर्ता भएको जनाएको छ । यस अघि प्रधानमन्त्री कार्यालयले 'लकडाउनका कारण काठमाडौँ उपत्यकाबाट बाहिरिन खोज्नु भएका वासिन्दाहरुलाई मध्यनजर गर्दै आज बसेको उच्च स्तरिय समितिको बैठकले भोली र पर्सि काठमाडौँ उपत्यकाबाट बाहिरिने मार्ग खोल्ने निर्णय गरेको ' जानकारी दिएको थियो ।
तर त्यसको केहि समयपछि कार्यालयले ' स्थानिय तथा प्रदेश स्तरका सरकारहरुले मान्यता नदिएको हुनाले भोली र पर्सि काठमाडौँ उपत्यकाबाट बाहिरिने मार्ग खोल्ने निर्णय फिर्ता गरिएको' जनाएको हो ।