रोल्पामा ४ जना बालबालिकाको मृत्यु हुने गरी बम विस्फोट भएको स्थानमा अर्को पनि बम फेला परेको छ । घटना स्थलमा अर्को बम पनि रहेकाले डिस्फोजका लागी दहवन स्थीत नेपाली सेनाको टोली घटना स्थल तर्फ आउदै गरेको त्रिवेणी गाउँपालिका वडा नं.२ का वडाध्यक्ष कविराज वुढाले जानकारी दिए ।
त्रिवेणी गाउँपालिका ७ गैरीगाउँमा आज अपरान्ह भएको वम विस्फोटमा परि ४ वालवालिकाले ज्यान गएको हो । बम विस्फोटमा परि ४ वालवालिकाको घटना स्थलमै ज्यान गएको वडाध्यक्ष कविराज वुढाले जानकारी दिए । मृत्यु हुनेमा त्रिवेणी गाउँपालिका ७ का १४ वर्षिय लोकीराम डाँगी, ११ वर्षिया बिमला डाागी, ५ वर्षिय विजय खत्री र सोही गाउँपालिका वडा नं. ४ का १३ वर्षिय गौरव नेपाली रहेको जिल्ला प्रहरी कार्यालय रोल्पाका प्रहरी नायव उपरिक्षक चित्रवहादुर गुरुङले जानकारी दिए ।
प्रहरी टोली घटना स्थल पुगिसकेको जिल्ला प्रहरी कार्यालय रोल्पाको प्रहरी नायव उपरिक्षक गुरुङले जानकारी दिएका छन् । सशस्त्र द्धन्दको समयमा तत्कालिन माओवादीले लुकाएर राखेको वम वालवालिकाहरु खेलाउने क्रममा विस्फोट भएको सक्ने वताइएको छ ।
यस अघि :
