जल तथा मौसम विज्ञान विभागले हालदेश भर वर्षा भईरहेको जनाएको छ । विभागले हाल देशको अधिकांश भू-भागमा बदली रहि सुदुरपश्चिम, कर्णाली, प्रदेश ५ गण्डकी प्रदेश र बागमती प्रदेशका अधिकांश स्थानहरुमा मेग गर्जन/चट्टयाङ सहित वर्षा भईरहेको जनाएको हो ।
साथै विभागले प्रदेश २ र प्रदेश १ का थोरै स्थानहरुमा पनि मेग गर्जन/चट्टयाङ सहित वर्षा भइरहेको जनाएको छ । साथै उक्त प्रणाली पूर्वतर्फ सर्दै गएकोले विभागले सतर्कता अपनाउन आग्रह गरेको छ ।
विभागले आज दिउँसो देशको पश्चिमी भू-भागमा पूर्ण बदली तथा मध्य तथा पूर्वी भू-भागमा सामान्य बदली रही केही स्थानहरुमा मेघगर्जन/चट्याङ्ग / असिना र हावाहुरी सहित वर्षाको सम्भावना रहेको जनाएको छ।त्यस्तै आज राति देशको पश्चिमी पहाडी भू-भाग तथा मध्य र पुर्वी भु-भागमा सामान्य बदली र अन्य भू-भागमा आंशिक बदली रही पश्चिमी पहाडी भूभागका थोरै स्थानहरुमा र मध्य र पुर्वी भु-भागका केही स्थानहरुमा मेघगर्जन/चट्याङ्ग / असिना र हावाहुरी सहित वर्षाको सम्भावना रहेको जनाएको छ।
विभागका अनुसार हाल देशमा पश्चिमी वायु र स्थानीय वायु तथा पूर्वी भू-भाग नजिक बनेको न्यून चापिय क्षेत्रको प्रभाव हुनुको साथै बंगालको खाडी र अरब सागरबाट समेत जलवाष्पयुक्त वायु नेपालमा प्रवेश गरेको छ ।
त्यस्तै बाढी पुर्नानुमान विभागले आज प्रदेश ५,गण्डकी,बागमती, प्रदेश २ र १ भई बहने नदीमा वहाव बढ्ने भएकोले सतर्कता अपनाउन आग्रह गरेको छ ।
