सरकारले बिहिबार साँझ देशभर दिप प्रज्वलन गर्ने निर्णय गरेको छ । बुधबार दिउँसो बालुवाटारमा बसेको मन्त्रिपरिषद् बैठकले बुद्ध जयन्तिको अवसर पारेर कोरोनाभाइरसविरूद्ध लडिरहेका स्वास्थ्यकर्मी र सुरक्षाकर्मीको सम्मानमा तथा कोरोनाको महामारीबाट मुक्ति मिलोस् भन्ने कामनासहित दीप प्रज्वलन गर्न आह्वान गर्ने निर्णय गरेको हो।
यस्तै बैठकले लकडाउनको अवधिलाई ११ दिन थप गरेर जेठ ५ गतेसम्म कायम गर्ने निर्णय पनि गरेको छ। यस अघि तोकिएको लकडाउन अवधि बिहिबार बेलुका सकिदै छ ।
बैठकले अन्तर्राष्ट्रीय र राष्ट्रीय हवाई उडानमा लगाएको प्रतिबन्धलाई पनि बढाएर जेठ १८ सम्म कायम गर्ने निर्णय गरेको छ । यसअघि यो प्रतिबन्ध जेठ २ सम्म जारी गरिएको थियो ।
