मुक्तिनाथ विकास बैंक Muktinath Bikas Bank Limited ले घोराही उप–महानगरपालिकाको फुड बैंकलाई खाद्यान्न सहयोग गरेको छ । संस्थागत सामाजिक उत्तरदायित्व कार्यक्रम अन्तर्गत बैंकको घोराही शाखाले उक्त खाद्यान्न सहयोग गरेको जनाएको हो ।
खाद्यान्न सामाग्री बैंकको घोराही शाखाका प्रमुख युवराज भण्डारीले घोराही उप–महानगरपालिका १५ का वडा सदस्य तथा बैंक तथा वित्तिय संस्थागत समन्वय संयोजक सनतकुमार श्रेष्ठलाई हस्तान्तरण गरेका हुन् ।
त्यस्तै बैंकले धनगढी उप–महानगरपालिका ४ मा पनि राहत सामाग्री सहयोग गरेको जनाएको छ । सहयोग सामाग्री बैंकका धनगढी शाखाका प्रमुख उमेश जोशीले धनगढी उप–महानगरपालिका ४ का प्रमुख पदमराज सापकोटा र सुन्दर सुदुरपश्चिम यातायातका प्रमुख दिपक थापालाई हस्तान्तरण गरेका हुन् ।
तेसैगरी बैंकले काठमाडौंको नार्गाजुनस्थित शक्तिकुमारी टोल सुधारलाई राहत सामाग्री सहयोग गरेको छ । सहयोग सामाग्री बैंकका सीतापाईला शाखाका प्रमुख विजय उप्रेतीले टोल सुधारका अध्यक्ष गोपाल श्रेष्ठलाई हस्तान्तरण गरेको जनाइएको छ ।
