नेपालमा कोरोना भाइरस संक्रमितको संख्या ५ सय १६ पुगेको छ । शुक्रबार बेलुका थप ९ जनामा संक्रमण पुष्टि भएपछि संक्रमितको संख्या ५ सय १६ पुगेको हो ।
शुक्रबार बेलुका भक्तपुरका १ जना, मकवानपुर १ जना, सप्तरीको १ जना र बाराका ६ जनामा संक्रमण पुष्टि भएको हो । बारामा कोरोना देखिएकाहरु २२ बर्ष ४५ वर्ष उमेरका छन् ।
बारा प्रहरी प्रबक्ता गौतम मिश्रका अनुसार उनीहरु सबै भारतका विभिन्न शहरबाट आएका हुन् । ति मध्ये १ जना १ गते र अन्य ५ जना ३ गते आएको प्रहरी प्रबक्ता मिश्रले बताए । उनीहरु सिमरनगढ नगरपालिकाका वडाहरु २,१, ६ र ११ का हुन् ।
उनका अनुसार संक्रमितहरुलाई कलैया उपमहानगरमा रहेको आईसोलेसनमा राखिने छ ।