बरामा थप ४ जना प्रहरीमा कोरोना पुष्टि भएको छ । यस अघि कोरोना संक्रमण पुष्टि भएका प्रहरीको कन्ट्याक्ट ट्रेसिङ गरी परिक्षण गर्दा थप ४ जनामा संकम्रण पुष्टि भएको हो ।
जिल्ला प्रहरी कार्यालय बाराका आज १ सई, १ प्रहरी हवल्दार, र २ जना प्रहरी जवानमा कोरोना पुष्टि भएको हो । प्रहरी कार्यालयका प्रहरी प्रबक्ता गौतम मिश्रका अनुसार संक्रमित भएका पहिलो प्रहरीको सम्पर्कमा आएका ५० जनाको परिक्षण गर्दा थप ४ जनामा संक्रमण दिएको हो।
संक्रमित हरु सर्लाही हरिपुर, कलैया नगरपालिका, रौतहटको यमुनामाई नगरपालिका र बिरगंज महानगरपालिकाका रहेका छन् । यस संगै बारामा कोरोनाबाट संक्रमित हुने प्रहरीको संख्या ५ पुगेको छ ।