आइतबार कोरोना भाइरसको संक्रमण पुष्टि भएका नुवाकोट ककनी ३ का व्यक्ति आफैँ मोटरसाइकल चलाएर काठमाडौंको आएका छन् । उपचारका लागि काठमाडौँ आउनुपर्ने भएपनि एम्बुलेन्स नपाएपछि उनी मोटरसाइकल चलाएरै टेकु अस्पताल आएका हुन् ।
आइतबार बिहान ११ बजे कोरोना पुष्टि भएको खबर पाएपछि काठमाडौँ आउन तयार भएर बसेका उनी एम्बुलेन्स नआएपछि साँझ आफैँ मोटरसाइकल चलाएर टेकु अस्पताल आएका हुन् ।
गाउँपालिका अध्यक्ष मानबहादुर लामाका अनुसार एम्बुलेन्स खोज्ने प्रयास सफल नभएपछि उनी आफैँ मोटरसाइकल चलाएर आएका हुन् ।