वीरगञ्जको नेशनल मेडिकल कलेजमा मृत्यु भएका एक व्यक्तिमा कोरोना भाइरसको संक्रमण पुष्टि भएको छ । जेठ ४ गते राति मृत्यु भएका बारा कलैयाका ७० वर्षीया वृद्धमा कोरोना पुष्टि भएको नारायणी अस्पताल का मेसु डा. मदन उपाध्यायले जानकारी दिएका छन् ।
वीरगञ्जस्थित प्रयोगशालामा परीक्षण गर्दा रिपोर्ट पोजेटिभ आएपछि थप परीक्षण गर्न उनको स्वाब काठमाडौंस्थित राष्ट्रिय जनस्वास्थ्य प्रयोगशालामा ल्याईएको थियो । तर स्वास्थ्य मन्त्रालयले भने यसबारे आधिकारिक जानकारी दिएको छैन ।
उनको अन्त्येष्टि समेत गरिसकिएको छ ।
