शुक्रबार चट्याङमा परि रोल्पामा दुई महिलाको ज्यान गएको छ । ज्यान गुमाउनेहरुमा रोल्पाको त्रिवेणी गाउँपालिका ७ गैरीगाउँका २१ वर्षिया आशा बुढा र सोही ठाउँकी ७५ वर्षिया खिरमाली बाँठा रहेको प्रहरीले जनाएको छ ।
घर भित्र बसिरहेका अवस्थामा उनीहरुलाई चट्याङ लागेको थियो । चट्याङमा परि गम्भिर घाईते उनीहरुलाई रोल्पा अस्पताल ल्याउने क्रममा मृत्यु भएको जिल्ला प्रहरी कार्यालय रोल्पाका प्रहरी नायव उपरिक्षक चित्रबहादुर गुरुङले जानकारी दिए । रोल्पामा यसै वर्ष थप २ जनाले पनि चट्याङमा परि ज्यान गुमाएका थिए ।