गण्डकी प्रदेशमा थप ३ जनामा कोरोना संक्रमण देखिएको छ । गण्डकी प्रदेशको सामाजिक विकास मन्त्रालयले स्याङ्जामा २ र तनहुँमा १ गरी ३ जनमा संक्रमण देखिएको जनाएको हो ।
मन्त्रालयले स्याङ्जाको गल्याङ नगरपालिका ठेगाना भई सोहि नगरपालिकाको क्वारेन्टाइनमा रहेका २७ र ४० वर्षका २ पुरुषमा संक्रमण देखिएको हो । त्यस्तै तनहुँको ऋषिङ गाउँपालिका ठेगना भई सोहि पालिकाको क्वारेन्टाइन रहेका २८ वर्षीय १ पुरुषमा कोरोना पुष्टि भएको हो ।
तनहुँमा पहिलो पटक कोरोना पुष्टि भएको हो । यससँगै गण्डकीमा कोरोना संक्रमितको संख्या २४ पुगेको छ ।