भारतमा फेरी अर्को समुन्द्री आंधी विकसित भएको छ । दक्षिणपूर्वी अरब सागरमा विकसित हुदै गएको चक्रवातले भारतमा क्षति पुर्याउने अनुमान गरिएको छ । उक्त चक्रवातले भारतमा क्षति पुर्याउने अनुमान गरिए पनि नेपालमा भने त्यसको प्रभाव सामान्य रहने मौसमविद् मन्जु दासीले बताईन् ।
दक्षिणपूर्वी अरब सागरमा रहेको न्यून चापीय प्रणाली उत्तरतर्फ सर्दै गरेकोले आउँदो २४ घण्टामा उक्त प्रणाली विकसित भई चक्रवात हुने दासीको भनाई छ । उनका अनुसार उक्त प्रणालीले बुधबार विकसितरुप लिने र भारतको गोआ राज्यमा प्रवेश गर्नेछ । ‘‘भारतमा यो चक्रवातले क्षति पुर्याए पनि नेपालमा सामान्य पानि पर्ने मात्र हुन्छ । नेपालमा ठुलो पानि नपर्ने र बाढी पहिरो जाने लगायतका प्राकृतिक विपत्ति यसले पार्दैन्’’, उनले भनिन् ।
केही दिनअघि बङ्गालको खाडीमा विकसित शक्तिशाली चक्रवात अंपुनको अप्रत्यक्ष प्रभावले नेपालका पूर्वी र मध्य भूभागमा हावाहुरीसहित वर्षा भएको थियो ।
