सत्तारुढ दल नेपाल कम्युनिस्ट पार्टी (नेकपा)ले सोमबार सचिवालय बैठक बोलाएको छ । प्रधानमन्त्री निवास बालुवाटारमा दिउँसो ४ बजे बस्ने बैठकमा अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) बारे छलफल हुने बताइएको छ ।
एमसीसीबारे अध्ययन गर्न नेकपाले वरिष्ठ नेता झलनाथ खनालको नेतृत्वमा बनाएको कार्यदलले परिर्माजन नगरी संसदबाट पास गर्न नहुने निश्कर्षसहितको प्रतिवेदन बुझाएको थियो । भोलीको बैठकमा कार्यदलले बुझाएको सुझावसहितको प्रतिवेदनबारे पनि छलफल हुने बताइएको छ ।
