न्युरोडका व्यापारी आन्दोलनमा उत्रिएका छन् । व्यापारीहरु सरकारविरुद्ध प्रदर्शन गर्दै सडकमा उत्रिएपछि प्रहरीहरु तैनाथ गरिएको छ ।
‘हाम्रो चुल्हो बाल्ने वातावरण बनाइदे सरकार’, ‘रहरले होइन, बाध्यताले आएका हौं’ नारा लेखिएका प्लेकार्डहरु बोकेका छन् । उनीहरुले पसल खोलेपछि प्रहरीले जबरजस्ती बन्द गराईदिएको थियो । मंगलबार पनि उनीहरुले पुल खोल्दा प्रहरीले बन्द गरेपछि बुधबार पनि उनीहरुले पसल खालेका थिए । तर प्रहरीले खोल्न नदिएपछि व्यापारीहरु प्रदर्शनमा उत्रिएका हुन् ।
उनीहरुले घर भाडा मिनाहा गर्न, बैंक तथा वित्तीय संस्थाको ब्याज मिनाहा गर्न माग गरेका छन् । लकडाउनले आफूहरुको दैनिकी गुजार्न मुस्किल परेको भन्दै न्यूरोड क्षेत्रका व्यापारीहरुले जेठ २२ देखि आफैं पसल खोलेका थिए ।