भारतीय सेनाप्रमुख एम.एम. नाराभानेले नेपालबारे आफ्नो बोली फेरेका छन् । नेपालले लिपुलेक, लिम्पियाधुरा र कालापानी क्षेत्र समेटेर नक्सा जारी नेपाल चीनको उक्साहटमा चलेको आरोप लगाएका उनले बोली फेर्दै नेपाल र भारत सम्बन्ध सधैँ बलियो हुने बताएका छन् ।
नेपालको प्रतिनिधिसभामा नयाँ नक्सासहितको राष्ट्रिय निशान छाप जारी गर्नुअघि भारतीय सेना प्रमुखको यस्तो भनाई आएको हो ।
‘नेपालसँग हाम्रो बलियो सम्बन्ध छ, हामीसँग भौगोलिक, सांस्कृतिक, ऐतिहासिक, धार्मिक सम्बन्ध छन्’ उनले भनेका छन्, ‘हामीसँग जनता जनताबीच पनि बलियो सम्बन्ध छ । उनीहरुसँग हाम्रो सम्बन्ध सधैँ बलियो हुनेछ र भविष्यमा पनि सधैँ रहिरहनेछ ।’