मंगलबार साँझ बसेको मन्त्रिपरिषदको बैठकमा ट्याक्सीसहित सार्वजनिक यातायातका साधन सञ्चालन गर्न दिनेबारे छलफल भएको छ । दुई जनासम्म यात्रु राख्ने गरी ट्याक्सी सञ्चालन गर्न दिने तयारीबारे मन्त्रिपरिषदमा छलफल भएको हो ।
स्वास्थ्य पोर्टोकल कायम गरी चालकबाहेक दुईजना राख्ने गरी ट्याक्सी सञ्चालन गर्न दिनेबारे छलफल भएको र कोरोना संकट व्यवस्थापन सेन्टरमा छलफल गरेर निर्णय हुने एक मन्त्रीले जानकारी दिए । त्यस्तै सार्वजनिक यातायात सञ्चालनगर्नेबारे गृहकार्य गर्ने जिम्मा सीसीएमसीलाई दिइएको जनाइएको छ ।
