सरकारले सार्वजनिक यातायातमा चल्न दिने निर्णय गरेको छ । असार २३ गते बसेको मन्त्रिपरिषद्को बैठकले जिल्ला भित्र मात्र चल्न पाउने गरी ट्याक्सी सहितका सार्वजनिक यातायात चल्न दिने निर्णय गरेको हो ।
सरकारली प्रबक्ता तथा अर्थ, सूचना प्रविधि मन्त्री डा. युवराज खतिवडाले काठमाडौँ उपत्यकाका ३ जिल्लालाई १ जिल्ला मानी र अन्य जिल्लामा जिल्ला भित्र चल्न पाउने गरी सार्वजनिक यातायात चल्न दिने निर्णय गरेको बताएका हुन् । यसरी सवारी चलाउदा क्षमताको आधा मात्र यात्रू राख्न पाउने, र तोकिएको भाडाको ५० प्रतिशत बढी भाडा लिन पाउने छन् ।
हरेक यात्रु तथा चालक र सहचालकले मास्क लगाउनु पर्ने छ भने अनिवार्य स्यानीटाईजको ब्यबस्था गर्नु पर्ने छ । यातायात ब्यबसायीहरुले भोली शुक्रबार बाट नै गाडी चलाउन सक्ने छन् ।