आफूलाई ज्योतिष दाबी गर्ने अर्जुन थापा क्षेत्री पक्राउ परेका छन् । अख्तियार दुरुपयोग अनुसन्धान आयोग टंगालको टोलीले थापासहित ३ जनालाई बिहीबार पक्राउ गरेको हो । आफूलाई ‘अख्तियारको सहसचिव’ भन्दै ठगी गर्न खोजेको आरोपमा क्षत्रीलाई पक्राउ गरिएको अख्तियारले जनाएको छ ।
नेपाल विद्युत प्राधिकरणले खरिद गरेको जग्गामा घोटाला भयो भन्दै उनीसहितको टोलीले चार करोड मागेका थिए । तर बार्गेनिङको क्रममा ५० लाखमा कुरा मिलेको र उक्त रकम लिन जाँदा उनीहरुलाई पक्राउ गरिएको अख्तियारले जनाएको छ ।
थापा यसअिघ पनि नेपाल ठूलो भूकम्प आउन सक्ने भन्दै अफवाह फैलाएको आरोपमा समातिएका थिए ।