नेपाल यातायात व्यवसायी राष्ट्रिय महासंघले सार्वजनिक सवारी नचलाउने निर्णय गरेको छ । शुक्रबार बसेको महासंघको केन्द्रीय कमिटिको बैठकले तत्कालको अवस्थामा सार्वजनिक सवारी सञ्चालन गर्ने वातावरण नभएको भन्दै नचलाउने निर्णय गरेको हो ।
बैठकले वातावरण तयार गर्न सरकार उदाशीन भएको भन्दै तत्कालको अवस्थामा सार्वजनिक सवारी नखुलाउने निर्णय गरेको संघका महासचिव सरोज सिटौलाले जानकारी दिए । बैंकको ऋण किस्ताको पुनर्तालिकीकरण, ब्याजदरमा सहुलियत, पुर्नकर्जाको व्यवस्था लगायतको माग सम्बोधन नभएकाले तत्कालै कुनै खालका सार्वजनिक सवारी नचलाउने निर्णय भएको सिटौलाले बताए ।