काठमाडौंको केएसमी अस्पतालमा उपचाररत ५४ वर्षीय एक पुरुषमा मृत्युपछि कोरोना पुष्टि भएको छ । मिर्गौलाका विरामी रहेका उनको मृत्युपछि कोरोना जाँच गर्दा रिपोर्ट पोजेटिभ आएको हो ।
गत बिहीबार मृत्यु भएपछि उनको स्वाब परीक्षण गर्न पठाइएकोमा शुक्रबार बेलुकी रिपोर्ट आएको हो । उनको शव शनिबार बिहान नेपाली सेनाको टोलीले दाहसंस्कारको लागि लगेको छ। उनी गत असार १९ गते अस्पताल भर्ना भएका थिए। मृतकको ठेगाना काठमाडौं लेखिएपनि उनी कहाँका हुन भन्नेबारे खुलिसकेको छैन ।
योसँगै नेपालमा कोरोना संक्रमितको मृत्यु हुनेको संख्या ३६ पुगेको छ।
