नेपालमा कोरोना महामारीको कारण १६८ अर्ब क्षति भएको प्रारम्भिक अनुमान गरिएको छ । नेपाल राष्ट्र बैंकले गरेको अध्ययनले चालु आर्थिक वर्षमा प्रचलित मूल्यको कुल ग्राह्यस्थ उत्पादनको करिब १६८ अर्बले क्षति भएको देखाएको हो ।
राष्ट्र बैंकका गभर्नर महाप्रसाद अधिकारीले प्रतिनिधिसभा अन्तर्गतको अर्थ समितिमा यस्तो तथ्यांक पेश गरेका हुन् । उनले कोरोनाको कारण सबै भन्दा धेरै होटेल तथा रेस्टुरेन्ट, यातायात, निर्माण र ब्यापार क्षेत्रमा बढी क्षति भएको बताए ।
राष्ट्र बैंकको अध्ययनले कतिपय ब्यबसाय सामान्य अवस्थामा संचालन हुन करिब १ वर्ष लाग्ने देखिएको जनाएको छ । मौद्रिक नीति तर्जुमा गर्दामा यो तथ्यलाई प्राथमिकतामा राखिने गभर्नर अधिकारीलाई बताएका छन् ।