प्रधानमन्त्री केपी शर्मा ओलीले अयोध्या र भगवान राम बारे दिएको अभिव्यक्तिका कारण भारतको अयोध्यामा रहेका रामका सन्तहरु रुष्ट बनेका छन् । राम दल ट्रस्टका अध्यक्ष रामदास महाराजले प्रधानमन्त्री ओलीको बिरुद्दमा बिरोध प्रदर्शन गर्न आफ्ना शिष्यहरुलाई आग्रह गरेका छन् ।
भारतीय मिडियासँग कुरा गर्दै उनले नेपालमा रहेका आफ्ना शिष्यहरुलाई भोलीदेखि सडक मै आएर प्रदर्शन आग्रह गरेका हुन् । उनले ओलीले १ महिना भित्र पद छोड्नु पर्ने बताउदै सडकमा प्रदर्शन गरेर ओलीलाई सत्ता बाहिर गराउनको लागि आग्रह गरेको भारतीय संचारमाध्यमहरुले उल्लेख गरेका छन् ।
पुरै विश्वको सांस्कृतिक राजधानी अयोध्या रहेको बताउदै उनले यसको प्रमाणको लाही वेद, रामायण वा पुराण पढ्न समेत आग्रह गरेका छन् ।