आइतबार थप २४६ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २४६ जनामा संक्रमण पुष्टि भएसँगै नेपालमा कोरोना संक्रमितको संख्या २० हजार ३ सय ३२ पुगेको छ । पछिल्लो २४ घण्टामा ८ हजार ८ सय ६१ जनाको स्वाब परीक्षण गरिएको छ ।
हालसम्म १४ हजार ६ सय ३ जना उपचार पश्चात निको भएका छन् । संक्रमितमध्ये ५७ जनाको मृत्यु भएको छ । मन्त्रालयका अनुसार देशभर सक्रिय संक्रमितको संख्या ५६७२ रहेको छ ।
