रौतहटका एक वडाध्यक्षको मृत्यु भएको छ । ईशनाथ नगरपालिका वडा नम्बर ५ जटहराका वडाध्यक्ष ५५ वर्षीय देवेन्द्र ठाकुरको आइतबार राति मृत्यु भएको हो । उनलाई कोरोना संक्रमण भएको आशंका गरीएको छ ।
तीन दिनअघि कोरोना संक्रमणको आशंकामा उनको आरडीटी परीक्षण गर्दा रिपोर्ट नेगेटिभ आएको स्वस्थ्य तथा जनसंख्या मन्त्रालयले जनाएको छ । पीसीआर परीक्षणकालगि उनको स्वब संकलन गरिसकिएको जनाइएको छ ।
ज्वरो आउनुका साथै रुघा र खोकी लागेर ठाकुरलाई उपचारका लागि गौरस्थित एक निजी क्लिनिकमा लैजाँदै गर्दा बाटोमै मृत्यु भएको जिल्ला जनस्वास्थय कार्यालयले जनाकारी दिएको छ । उनलाई श्वास फेर्न समस्या भएपछि उपचारको लागि आइतबार राति गौर लैजाँदै गर्दा बाटोमै मृत्यु भएको जनाइएको छ ।
