प्रदेश २ का आन्तरिक मामिला तथा कानुन मन्त्री ज्ञानेन्द्र कुमार यादवलाई कोरोना पुष्टि भएको छ । मन्त्री यादवसँगै उनका चालक, व्यक्तिगत सुरक्षा गार्ड (पीएसओ), अंगरक्षक र एकजना सशस्त्र प्रहरीका जवानमा कोरोना संक्रमण पुष्टि भएको हो ।
बुधबार राति आएको रिपोर्टमा उनीहरुलाई कोरोना पुष्टि भएको हो । कोरोना पुष्टि भएका मन्त्री यादव हालै काठमाडौंबाट फर्किएका थिए । काठमाडौँमा रहँदा उनले प्रधानमन्त्री केपी शर्मा ओली समेत सहभागी बैठकमा भाग लिएका थिए ।
गत शुक्रबार प्रहरी समायोजन सम्बन्धी समन्वय समितिको बैठकमा उनी सहभागी भएका हुन्। सोहि बैठकमा प्रधानमन्त्री केपी शर्मा ओली, गृहमन्त्री रामबहादुर थापा बादल, गृहसचिव, प्रहरी महानिरीक्षकलगायत सहभागी थिए ।
