सरकारले काठमाडौँमा रहेका कार्यालयहरुमा बैठक लगायतका क्रियाकलाप रोक्न निर्देशन दिएको छ । स्वास्थ्य मन्त्रालयले राजधानीका सरकारी, सामुदायिक तथा निजि कार्यालयमा बैठक, गोष्ठी, सेमिनार, जमघट तथा भिडभाड हुने कार्यहरु तुरुन्त बन्द गर्न निर्देशन दिएको हो ।
मन्त्रालयका प्रबक्ता डा. जागेश्वर गौतमले त्यस्ता क्रियाकलाप बन्द गर्न नमिल्ने भए अनलाईन माध्यमबाट गर्न निर्देशन दिएका हुन् । उनले कोरोना संक्रमितको संख्या बढेर राजधानी काठमाडौँमा धेरै अप्ठेरो परिस्थीति सिर्जना भएको बताएका छन् ।