जिल्ला प्रशासन कार्यालय काठमाडौंले नीजि अस्पताललाई आइसोलेशन सेन्टर बनाउन गृह मन्त्रालयलाई पत्राचार गरेको छ । प्रशासनले आज गृहलाई पत्र लेख्दै काठमाडौंमा रहेका निजी अस्पतालहरूलाई आइसोलेशन सेन्टरका रुपमा रूपान्तरण गर्न अनुरोध गरेको हो ।
उपत्यकाका तीन जिल्ला काठमाडौँ, भक्तपूर र ललितपूरका प्रमुख जिल्ला अधिकारीहरूको आजको संयुक्त छलफलपछि काठमाडौंका प्रुमख जिल्ला अधिकारी जनकराज दाहालले निजी स्वास्थ्य संस्थालाई कोरोना भाइरसका बिरामी राख्ने आइसोलेशन सेन्टर बनाउन गृह मन्त्रालयमा प्रस्ताव पठाएका हुन् ।
‘गृहमार्फत् कोभिड–१९ संकट व्यवस्थापन केन्द्र (सिसिएमसी)मा हामीले यो सिफारिस गरेका हौँ’ प्रमुख जिल्ला अधिकारी दाहालले भने, ‘योसँगै स्थानीय तहहरुले बनाएका क्वारेन्टिनहरुलाई पनि आइसोलेसन सेन्टर बनाउन प्रस्ताव पठाएका छौँ ।’