लगानी बोर्डका प्रमुख कार्यकारी अधिकृत (सीईओ) मा नियुक्त भएका सुशील भट्टलाई काममा नलगाउन उच्च अदालत पाटनले आदेश दिएको छ । सरकारका नाममा आदेश जारी गर्दै उच्च अदालतले आगामी आइतबारसम्मका लागि उनलाई काममा नलगाउन भनेको हो ।
मुख्य न्यायाधीश नहकुल सुवेदीको एकल इजलासले आगामी आइतबार दुवै पक्षलाई छलफलका लागि बोलाउँदै आइतबारसम्म भट्टको नियुक्तिको निर्णय यथास्थितिमा राख्न आदेश दिएको हो ।