बिहीबार काठमाडौँ उपत्यकाका १२७ जनामा कोरोना पुष्टि भएको छ । यससंगै उपत्यकामा कोरोना संक्रमितको जम्मा संख्या १५ सय ७२ जना पुगेको छ ।
उपत्यकाका विभिन्न अस्पतालमा गरीएको स्वाब परीक्षणमा काठमाडौँका १११ जना, ललितपुरका ११ र भक्तपुरका ५ जनामा कोरोना देखिएको स्वास्थ्य तथा जनसंख्या मन्त्रालयले जानकारी दिएको छ । पछिल्लो समय उपत्यकामा कोरोना सक्रमित बढ्दै गएका छन् । हिजो मात्रै उपत्यकाका १३७ जनामा कोरोना देखिएको थियो ।
स्वास्थ्य तथा जनसंख्या मन्त्रालयका अनुसार आज देशभर थप ५२५ जनामा कोरोना भाइरसको संक्रमण पुष्टि भएको छ । हालसम्म ९५ जनाको कोरोनाका कारण मृत्यु भएको छ ।
