कोरोना भाइरस संक्रमणका कारण नेपालमा मृत्यु हुनेको संख्या ९५ पुगेको छ । जसमध्ये ४ जनाको पछिल्लो २४ घण्टाभित्र मृत्यु भएको हो ।
पछिल्लो समय संक्रमित बढ्दै जादा मृत्युहुनेको संख्या पनि ह्वात्तै बढेको छ । स्वस्थ्य तथा जनसंख्या मन्त्रालयका अनुसार हालसम्म कोरोनाका कारण ७३ जना पुरुष र २२ जना महिलाको मृत्यु भएको छ ।
पछिल्लो २४ घण्टामा महोत्तरीका ४५ वर्षिया पुरुष, धनुषाकी ८५ वर्षिया बृद्धा, अछामका १८ वर्षिय पुरुष र मोरङ ५७ वर्षिया पुरुषको कोरोनाका कारण मृत्यु भएको मन्त्रालयले जानकारी दिएको छ ।
यस्तै पछिल्लो २४ घण्टामा देशभर ५२५ जनामा कोरोना संक्रमण पुष्टि भएको छ ।
