शनिवार काठमाडौँ उपत्यकाका ९८ जनामा कोरोना पुष्टि भएको छ । यससंगै उपत्यकामा कोरोना संक्रमितको जम्मा संख्या १७ सय ८९ जना पुगेको छ ।
उपत्यकाका विभिन्न अस्पतालमा गरीएको स्वाब परीक्षणमा काठमाडौँका ८० जना, ललितपुरका ९ र भक्तपुरका ९ जनामा कोरोना देखिएको स्वास्थ्य तथा जनसंख्या मन्त्रालयले जानकारी दिएको छ । पछिल्लो समय उपत्यकामा कोरोना सक्रमित बढ्दै गएका छन् । हिजो मात्रै उपत्यकाका ११९ जनामा कोरोना देखिएको थियो ।
स्वास्थ्य तथा जनसंख्या मन्त्रालयका अनुसार आज देशभर थप ४६८ जनामा कोरोना भाइरसको संक्रमण पुष्टि भएको छ । हालसम्म १०२ जनाको कोरोनाका कारण मृत्यु भएको छ ।
