बुधबार थप १५ सय ३९ जनामा कोरोना पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर गरी कुल १५ सय ३९ जनामा कोरोना पुष्टि भएसँगै कोरोना संक्रमित हुनेको संख्या ५८ हजार ३२७ जना पुगेको छ ।
मन्त्रालयका अनुसार हालसम्म ४१ हजार ७ सय ६ जना निको भएर घर फर्किसकेका छन् । विगत २४ घण्टामा मात्रै १ हजार ६८ जना कोरोना जितेर घर फर्किएका छन् ।
यस्तै पछिल्लो २४ घण्टामा कोरोनाका कारण थप ८ जनाको मृत्यु भएको छ । यससँगै मृतकको संख्या ३ सय ७९ पुगेको छ ।