बिहीबार थप १२ सय ४६ जनामा कोरोना पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर गरी कुल १२ सय ४६ जनामा कोरोना पुष्टि भएसँगै कोरोना संक्रमित हुनेको संख्या ५९ हजार ५७३ जना पुगेको छ ।
मन्त्रालयका अनुसार हालसम्म ४२ हजार ९४९ जना निको भएर घर फर्किसकेका छन् । विगत २४ घण्टामा मात्रै १ हजार २४३ जना कोरोना जितेर घर फर्किएका छन् ।
यस्तै पछिल्लो २४ घण्टामा कोरोनाका कारण थप ४ जनाको मृत्यु भएको छ । यससँगै मृतकको संख्या ३ सय ८३ पुगेको छ ।
