सोमबाार थप १३ सय ५१ जनामा कोरोना पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर गरी कुल १३ सय ५१ जनामा कोरोना पुष्टि भएसँगै कोरोना संक्रमित हुनेको संख्या ७४ हजार ७४५ पुगेको छ ।
मन्त्रालयका अनुसार हालसम्म ५४ हजार ६४० जना निको भएर घर फर्किसकेका छन् । विगत २४ घण्टामा मात्रै ७ सय ४२ जना कोरोना जितेर घर फर्किएका छन् । हाल १९ हजार ६२४ जना उपचाररत छन् ।
यस्तै पछिल्लो २४ घण्टामा कोरोनाका कारण थप ४ जनाको मृत्यु भएको छ । यससँगै मृतकको संख्या ४ सय ८१ पुगेको छ ।