बिहीबार काठमाडौँ उपत्यकाका थप १ हजार ९३४ जनामा कोरोना पुष्टि भएको छ । पछिल्लो २४ घण्टामा उपत्यकाका विभिन्न अस्पतालमा गरिएको स्वाब परीक्षणमा काठमाडौँका १६ सय ९२, भक्तपुरका १३४, र ललितपुरका १०८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएकोछ ।
यससंगै उपत्यकामा कोरोना संक्रमितको कुल संख्या ४९ हजार ५३५ पुगेको छ । पछिल्लो समय उपत्यकामा कोरोना संक्रमितको संख्या बढ्दै छ । यसअघि हिजो मात्र उपत्यकाका १ हजार ४०३ जनामा कोरोना पुष्टि भएको थियो ।
यस्तै पछिल्लो २४ घण्टामा कोरोनाका कारण थप १९ जनाको मृत्यु भएको छ । यससँगै मृतकको संख्या ६ सय ९४ पुगेको छ ।