शनिवार काठमाडौँ उपत्यकामा थप १७ सय ४६ जनामा कोरोना संक्रमण देखिएको छ । यस संगै उपत्यकामा कुल संक्रमितको संख्या ५३ हजार ६ सय ८३ पुगेको हो ।
पछिल्लो २४ घण्टामा उपत्यकाका विभिन्न अस्पतालमा गरिएको स्वाब परीक्षणमा काठमाडौँका १४ सय ५१ , भक्तपुरका १४३ , र ललितपुरका १५२ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएकोछ । पछिल्लो समय उपत्यकामा कोरोना संक्रमितको संख्या बढ्दै छ ।
यस्तै पछिल्लो २४ घण्टामा देशभर ३ हजार १ सय ६७ जनामा कोरोना पुष्टि भएको छ भने १८ सय जनाले कोरोना जितेका छन् । पछिल्लो २४ घण्टामा देशभर कोरोनाको कारण १२ जनाको मृत्यु भएको छ ।
