आइतबार थप २ हजार ९ सय ४२ जनामा कोरोना पुष्टि भएको छ । यससंगै देशभर कुल संक्रमित हुनेको संख्या १ लाख ३२ हजार २४६ पुगेको छ ।
पछिल्लो समयमा देशभर संक्रमितको संख्या बढ्दै गएको छ । यसअघि हिजै मात्र देशभर ३ हजार १ सय ६७ जनामा कोरोना पुष्टि भएको थियो ।
मन्त्रालयका अनुसार हालसम्म ९२ हजार १६६ जना निको भएर घर फर्किसकेका छन् । विगत २४ घण्टामा मात्रै २३ सय २६ जना कोरोना जितेर घर फर्किएका छन् । हाल ३९ हजार ३ सय ४१ जना उपचाररत छन् ।
यस्तै पछिल्लो २४ घण्टामा कोरोनाका कारण थप १२ जनाको मृत्यु भएको छ । यससँगै मृतकको संख्या ७ सय ३९ पुगेको छ ।