सोमबार थप ३ हजार ७ सय ९० जनामा कोरोना पुष्टि भएको छ । यससंगै देशभर कुल संक्रमित हुनेको संख्या १ लाख ३६ हजार ३६ पुगेको छ ।
पछिल्लो समयमा देशभर संक्रमितको संख्या बढ्दै गएको छ । यसअघि हिजै मात्र देशभर २ हजार ९ सय ४२ जनामा कोरोना पुष्टि भएको थियो ।
मन्त्रालयका अनुसार हालसम्म ९४ हजार ५०१ जना निको भएर घर फर्किसकेका छन् । विगत २४ घण्टामा मात्रै २३ सय ३५ जना कोरोना जितेर घर फर्किएका छन् । हाल ४० हजार ७ सय ७८ जना उपचाररत छन् ।
यस्तै पछिल्लो २४ घण्टामा कोरोनाका कारण थप १८ जनाको मृत्यु भएको छ । यससँगै मृतकको संख्या ७ सय ५७ पुगेको छ ।