बुधबार थप ५ हजार ७ ४३ जनामा कोरोना पुष्टि भएको छ । यससंगै देशभर कुल संक्रमित हुनेको संख्या १ लाख ४४ हजार ८७२ पुगेको छ ।
पछिल्लो समयमा देशभर संक्रमितको संख्या बढ्दै गएको छ । यसअघि हिजै मात्र देशभर ३ हजार ९३ जनामा कोरोना पुष्टि भएको थियो ।
मन्त्रालयका अनुसार हालसम्म ९९ हजार ६०५ जना निको भएर घर फर्किसकेका छन् । विगत २४ घण्टामा मात्रै २९ सय ९६ जना कोरोना जितेर घर फर्किएका छन् । हाल ४४ हजार ४७६ जना उपचाररत छन् ।
यस्तै पछिल्लो २४ घण्टामा कोरोनाका कारण थप २६ जनाको मृत्यु भएको छ । यससँगै मृतकको संख्या ७ सय ९१ पुगेको छ ।
